KURS | Lin på lin - brodering på og med lin

I samband med utstillinga LIN 2.0 i Ullinsvin arrangerar vi kurs!

Å brodere med lin kan vera både kvitt på kvitt og fargerikt. Det kan også vera både plattsøm og tellesøm, på fint og grovt lin. På dette kurset får du prøve litt av kvart, og får nokre smakebitar på kor allsidig lintråden er.

Kurslærar Barbro Tronhuus Storlien er utfløtt vagver, bunadtilvirkar og broderientusiast. I 2019 gav ho ut boka «Barbro broderer», og i 2023 «Barbros sysaker» om kvinner, klede og kulturhistorie. Ho held mange kurs innan bunadssaum og ulike former for broderi. Barbro har vore styreleiar i Norges Husflidslag 2018 - 2024, sit i styret for Handverksskulen Hjerleid og er særs oppteken av fagopplæring og glede over godt handverk. Og nå vil ho hjelpe oss å spre broderi-glede på lin.

Kurslærar har med materialpakke som inneheld ulike kvalitetar av tråd og stoff, nåler og anna nødvendig utstyr

Materialpakka kostar 200 kr og betalast til kurslærar i løpet av kurset.

Kurset er arrangert av Vågå husflidslag i samarbeid med Gudbrandsdalsmusea

Påmelding:
https://event.checkin.no/119332

You may also like the following events from Gudbrandsdalsmusea:

• This Thursday, 3rd July, 08:00 pm, Konsert | Marie Klåpbakken Trio | Ullinsvin, Vågå in Dombås
• Next Wednesday, 9th July, 05:00 pm, Kveldsseto | Thekla Resvoll - kvinnesakskvinne og botanikerpioner in Dombås
• Next Friday, 11th July, 05:00 pm, Kurs | Ljåslått, hesjing og kvessing in Dombås